కోవూరు స్థానాన్ని వైఎస్సార్ సీపీనే కైవశం : కాకాణి

కోవూరు ఉప ఎన్నికల్లో మహిళలు, యువకులు, రైతులతోపాటు అన్ని వర్గాల ప్రజలు వైఎస్ జగన్‌మోహన్‌రెడ్డికి సంఘీభావం ప్రకటించి భారీ సంఖ్యలో పోలింగ్‌కు హాజరయ్యారని వైఎస్సార్ కాంగ్రెస్ పార్టీ జిల్లా కన్వీనర్ కాకాణి గోవర్ధన్‌రెడ్డి ఆదివారం ‘న్యూస్‌లైన్’కు తెలిపారు. అత్యధిక ఆధిక్యంతో కోవూరు స్థానాన్ని వైఎస్సార్ కాంగ్రెస్ పార్టీ కైవశం చేసుకుంటుందని ఆయన ధీమాగా చెప్పారు. కాంగ్రెస్, టీడీపీలు పన్నిన కుయుక్తులు, ఓటర్లను ప్రలోభ పెట్టడానికి చేసిన ప్రయత్నాలేవీ ఫలించలేదన్నారు. వైఎస్సార్ కాంగ్రెస్ పార్టీకి పట్టం కట్టాలనే భావోద్వేగం ఓటర్లను పోలింగ్ బూత్‌ల వైపు నడిపించిందని ఆయన తెలిపారు.