వైఎస్‌ఆర్‌సిపి జిల్లా కన్వీనర్ కాకాణి స్పష్టం
దివంగత నేత డాక్టర్ వైఎస్ రాజశేఖర్‌రెడ్డి మరణానంతరం ప్రజలు వైఎస్‌ఆర్‌ను జగన్మోహన్‌రెడ్డిలో చూసుకుంటున్నారని వైఎస్‌ఆర్ కాంగ్రెస్ పార్టీ జిల్లా కన్వీనర్ కాకాణి గోవర్థన్ రెడ్డి స్పష్టం చేశారు. ఆ పార్టీ అధ్యక్షులు వైఎస్ జగన్మోహన్‌రెడ్డి జన్మదినం సందర్భంగా బుధవారం స్థానిక టౌన్ హాలులో ఏర్పాటు చేసిన రక్తదాన శిబిరానికి ముఖ్య అతిథిగా పాల్గొన్న ఆయన మాట్లాడారు. జగన్‌ను ప్రజలు విశ్వసనీయ నాయకునిగా చూస్తున్నారని, కాంగ్రెస్, తెలుగుదేశం పార్టీలు ఏకమై నీచ రాజకీయాలు చేస్తూ జగన్‌ను రాజకీయంగా అణగదొక్కేందుకు ప్రయత్నిస్తున్నాయన్నారు. అయితే రాష్ట్ర ప్రజల అండదండలతో జగన్ ఓ రాజకీయ శక్తిగా ఎదుగుతారని ఆశాభావం వ్యక్తం చేశారు. తొలుత కేక్ కట్ చేసి సంబరాలు జరుపుకున్నారు. ఈ కార్యక్రమంలో ఆ పార్టీ నాయకులు కోటంరెడ్డి శ్రీ్ధర్ రెడ్డి, పి అనిల్ కుమార్ యాదవ్, గోపాల్ రెడ్డి, రూప్ కుమార్, తాటి వెంకటేశ్వర్లు తదితరులు పాల్గొన్నారు
No comments:
Post a Comment